DSCN1182

Halkan ka daawo shirka Golaha Samatabixinta ee magaalada Deefoow:

 

Shirka oo ka socday magaalada Deefoow mudo Wiig ah, laga soo bilaabo 04.maajo.2015 ilaa 11.maajo.2015.Waxaa shirkan ka soo qeyb galay dhamaan 12 beelood ee ku dhaqan gobolka Hiiraan, halka labada beelood ee kale oo aanan soo xaadirin midna la sugayey, beesha kalena aysan ka soo qeyb gelin.

Shirkaan oo ahaa shir dhidibada loogu aasayey aayaha iyo samatabixinta beelaha soomaaliyeed ee ku dhaqan gobolka ayaa abaabulkiisa soo socday ilaa muddo seddex bilood ah kana socday magaalada Baladweyne. Hogaanka golahan ayaa dhaqan geliyey kulamo joogta ah oo looga hadlayey arrimaha nabadeynta iyo dib heshiisiinta beelaha soomaaliyeed ee ku dhaqan Gobolka Hiiraan, halkaas oo ay 13 beelood ay nabada qaateen, qalinkana ku duugeen hishiis nabadeed.

Intaas ka dib ayaa si looga saaro shacabka gobolka dhibaatada iyo colaada gobolka ku habsatay 25 sanadood ee ugu danbeeyey, laga soo bilaabo xiligii uu bilowday dagaalkii sokeeye 1991, ayaa waxay isla garteen hogaanka beelaha gobolka Hiiraan in la qabto shir lagu aasaasay Golaha Samatabixinta iyo aayo ka talinta Shacabka Hiiraan.

Baahida keentay in la dhiso golahan ayaa ah in gobolka Hiiraan la nabadeeyo, cadaalad, sinaan, deris wanaag, leyskana kaashado horumarka, samatabixinta iyo aayo ka talinta gobolka iyo shacabka reer Hiiraan.

Golahan ma aha gole mucaarad ku ah dowlada federaalka ama dowlada deriska ee Itoobiya.

Waa taariikh cusub, oo umada hiiraan u furaysa baal dahab ah, halkaas oo ay dhacday in leysu keeno 12 beelo soomaaliyeed ee ku dhaqan gobolka.

Waxaa la doortay gudoomiye qabta hogaanka golahan, dhaqa, dhiiga reer Hiiraana kala badbaadiya. Gudoomiyaha golahan waxaa la yiraahdaa Cabdi Faarax Daahir.

Ujeedada iyo hadafyada uu hiigsanayo golahan ayaa ah sidan hoos ku xusan;

Ujeedada:

Golahan waxaa loo dhisay inuu samatabixiyo shacabka reer Hiiraan, isla mar ahaantaana abuuro jawi iyo aasaas looga tashado aayaha iyo mustaqbalka gobolka Hiiraan.

Hadafyada

  • In laga abuuro jawi nabadeed iyo xasilooni buuxda dhamaad degaanada gobolka Hiiraan
  • In loo gargaaro, dib u dhis iyo dib u dejin loo sameeyo dadka dhiban iyo degaanada ay halakeysay colaada iyo dagaalada sokeeye,
  • In la horumariyo, dibna loo soo nooleeyo qeyraadka iyo barwaaqada gobolka lagu yaqaan
  • In laga shaqeeyo danta guud, lana dhowro xuquuqda dadka, dalaga, iyo duunyadaba
  • In xiriir wanaagsan lala yeesho dowlada federaalka iyo dalka aan deriska nahay ee Itoobiya
  • In la dar dar geliyo xiriirka iyo wada shaqeynta hay’adaha samafalka
  • In lagu maamulo gobolka nidaam sharciga waafaqsan, lidi’na ku aheyn dowlada federaalka

Hogaanka golahan ayaa u dhaqaadi doono dhamaan degaanada iyo xuduudaha gobolka, kana shaqeyn doono dib u hishiisiin iyo in la nabadeeyo dhamaan degaanada shacabka reer Hiiraan.

golesam.com