DSCN1182

Gudoomiyaha gudiga fulinta: Mudane Abdi Faarax Daahir


  • Waa mas’uulka koowaad, wuxuuna hagaa, hubiyaa habsami u socodka hawlaha Guddiga Fulinta iyo barnaamijka Golaha
  • Wuxuu hawlgaliyaa oo uu kormeeraa xubnaha Guddiga Fulinta.
  • Wuxuu hawl galin karaa xubno aan ka mid ahayn Gudiga Fulinta markii loo baahdo, isagoo kala tashanaya Guddiga Fulinta.
  • Gudoomiyuhu ma laha awood go’aan gaarid kalinnimo.
  • Waa soo ururiyaha aaraa’da, fikradaha iyo talooyinka bulshadu usoo jeedinayso Golaha, soona hordhigo guddiga fulinta iyo golaha Guurtada.

 

Gudoomiyaha ku xigeenka, xoghayaha arrimaha maaliyada: Mudane Iidle Siyaad Shiikh Khaliif


  • Wuxuu si ku meel gaar ah u matalaa jagada gudoomiyaha Golaha, marka guddoomiyuhu maqan yahay.
  • Wuxu muddadaa gudaheeda ku hawlgelinayaa Guddiga Diyaarinta Doorashada
  • Wuxuu mas’uul ka yahay diiwaangelinta hantida Golaha.
  • Wuxuu mas’uul ka yahay khasnadda, xisaabaadka (accounts) iyo dhaqaalaha Golaha.
  • Wuxuu diyaariyaa qorshe dhaqaaleedka Golaha ee sanadka soo socda.
  • Wuxuu dabagalaa soona ururiyaa lacagaha xubunimada Golaha.

 

Gudoomiyaha ku xigeenka, xoghayaha arrimaha Amniga: Mudane Yuusuf Shiekh Nuur


  • Wuxuu si ku meel gaar ah u matalaa jagada gudoomiyaha Golaha, marka guddoomiyaha iyo gudoomiye xigeenka
    1-aad maqan yihiin.
  • Wuxuu buuxinayaa jagada guddoomiyaha ama gudoomiye xigeenka 1-aad haddii ay noqoto in guddoomiyaha iyo gudoomiye xigeenka 1-aad is casilaan ama ay ku timaaddo duruuf u diidda gudashada xilkooda, inta dib looga dooranayo guddoomiye iyo kuxigeenka koo waad ugu badnaan muddo 3-bilood ah
  • Wuxu muddadaa gudaheeda ku hawlgelinayaa Guddiga Diyaarinta Doorashada
  • Wuxuu masuul ka yahay Arrimaha AMNIGA
    a. Wuxuu soo diyaarin qorshaha lagu xasilin gobolka
    a. wuxuu masuul ka yahay inuu hago howlaha boliiska, nabadsugida iyo xasiloonida gobolka

 

Gudoomiyaha ku xigeenka, xoghayaha Guud: Mudane Abdirizak Rashiid Cumar


  • Wuxuu isku xiraa hawlaha Guddiga Fulinta.
  • Wuxuu diyaariyaa qoraallada shirarka Golaha Guurtada iyo Guddiga Fulinta.
  • Wuxuu tixraac ku sameeyo kulammada Guddiga Fulinta, islamarkaana u diro tixraacaas xubnaha Guddiga Fulinta, Guddiga Hantidhawrka iyo Golaha Guurtada.
  • Wuxuu kaydiyo go’aammada ka soo baxa Guddiga Fulinta iyo Golaha Guurtada.
  • Wuxuu xafido waraaqaha iyo shaabadda Golaha.
  • Wuxuu ka warqabo islamarkaana diwaangaliyo qoraallada la xiriira mashaariicda Golaha.
  • Wuxuu mas’uul ka yahay qalabka iyo shaqaalaha xafiiska Golaha.

 

Gudoomiyaha ku xigeenka, xoghayaha arrimaha Beeraha: Mudane Abdikariim Hassan Qeyre


  • Wuxuu masuul ka yahay arrimaha Beeraha, Dalaga, iyo Duunyada
  • Waa kawarqabaha, kormeeraha dhulbeereedka iyo beeraleyda gobolka.
  • Waa talo ka bixiyaha, una adeegaha sidii loo horumarin lahaa, loona kobcin lahaa wax soo saarka dalaga iyo duunyada
  • Waa ka shaqeeyaha sidii kor loogu qaadi lahaa tayadda beeraha iyo beeraleyda
  • Waa ka shaqeeyaha isku xirka beeraleyda iyo suuqyada loo iibgeyn dalaga iyo duunyada
  • Waa in uu warbixin ku saabsan arrimaha beeraha horkeeno guddiga fulinta.

 

Gudoomiyaha ku xigeenka, xoghayaha arrimaha Caafimaadka: Mudane Axmed Ibrahim Hussein


  • Wuxuu mas’uul ka yahay xarumaha caafimaadka
  • Wuxuu mas’uul ka yahay diyaar gareynta, iyo dhaqan gelinta howlaha caafimaadka
  • Wuxuu masuul ka yahay soo diyaarinta barnaamij looga hortagayo cudurada sida guud ama gaar u saameeya gobolka.
  • Wuxuu masuul ka yahay diyaar gareynta iyo dhaqan gelinta mashruuca talaalka lagu badbaadin dhalaanka gobolkaa
  • Wuxuu masuul ka yahay diyaar gareynta mashruucyada ka hortaga cudurada halista u ah caruurta, waayeelka, iyo bulshada inteeda kale
  • Wuxuu masuul ka yahay wacyi gelinta bulshada arrimaha la xiriira caafimaadka

 

Gudoomiyaha ku xigeenka, Taliyaha ciidanka Gobolka Hiiraan: Mudane Ahmed Shukri Macalin


  • Wuxuu masuul ka yahay sugida amniga degaanada uu ka arrimiyo Golahan
  • Wuxuu masuul ka yahay diyaar gareynta iyo dhaqangelinta qorshaha lagu sugi amniga xuduudaha gobolka iyo degaanada uu golaha ka arrimiyo
  • Wuxuu masuul ka yahay inuu horkeena golaha qatarta iyo xasilooni darada ku imaan karta gobolka, iyo weliba halka ay uga imaan karaan
  • Wuxuu masuul ka yahay, soo diyaarinta barnaamij loogu hortagayo qatarta ama xasilooni darada soo wajahda, ama soo wajihi karta gobolka
  • Wuxuu howlgeliyaa ciidama sugi amaanka gobolka